هل شاومي تتجسس عليك ام لا

كان فيه باحث امنى اسمو Cirlig معاه شاومى نوت 8 لاحظ ان الموبيل بتاعه بيبعت بيانات كتيره لسيرفات مجهوله فى  الصين مملوكه لشركه شاومى... البيانات دى طبعاً كانت متشفره و Cirlig  قدر يفيك التشفير بتاعها و يعرف هى ايه بالظبط و لاقها عباره عن كل المواقع اللى كان بيزوها على موبيله و الحاجات اللى بحث عنها حتى الحاجات اللى فتحتها لما كان مشغل وضع التصفح الخفى موجوده!
‏Cirlig كمل تدوير فى الموضوع ولقى ان مش بس موبيلات شاومى كده لأ كمان متصفح شاومى الموجود على جوجل بلاى Mi Browser بيسجل و يبعت البيانات بتاعتك لنفس السيرفرات!
‏Cirlig برضو لاحظ ان المشكله دى مش فى موديل موبيله بس لأ موديلات تانى من شاومى زى Xiaomi MI 10 و Xiaomi Redmi K20 و Xiaomi Mi MIX  و واضح كده انها حاجه عامه فى موبيلات شاومى...
رد شاومى كان ان إداعات Cirlig مش صحيحه وانها مش بتتجسس على المستخدمين بتوعها و ان الخصوصيه و الامان اكبر اهتمامتها و قالت برضو انها اه بتجمع بينانات عن المستخدمين بس بتكون مجهوله و مش معرف هويه مين صاحب البيانات دى...
‏Cirlig كان رده على الموضوع ده ان شاومى بتجمع برضو بيانات عن الموبيل نفسه اسمها metadata ممكن تبين بسهوله مين الشخص صاحب الموبيل ده!
شاومى برضو نفت ان المتصفح بتاعها بيجمع معلومات فى وضع التصفح الخفى
 و ده خلي Cirlig ينزل فيديو بيثبت بيه صحة كلامه من خلال تجربة هسيب لينك الفيديو بتاعه في التعليقات مع المصارد..
ايه رايك في الموضوع وهل بتهتم بخصوصية معلوماتك ولا مش فارقه معاك؟!..
منقول من احمد